Пациенттерді қолдау және ішкі аудит қызметі
Балалар қалалық клиникалық жұқпалы аурулар ауруханасында Қазақстан Республикасының «Халық денсаулығы және денсаулық сақтау жүйесі туралы» Кодексінің 58-бабына сәйкес Пациенттерді қолдау және ішкі аудит қызметі құрылып, тұрақты түрде жұмыс істейді.
Қызметтің негізгі мақсаты – медициналық көмектің сапасын арттыру, оны одан әрі жетілдіру мүмкіндіктерін анықтау, сондай-ақ стационарлық емдеу барысында туындайтын мәселелерді уақтылы шешу.
Құрметті ата-аналар!
Егер Сіз:
- медициналық көмектің көрсетілу сапасына қанағаттанбасаңыз;
- медицина қызметкерлері тарапынан дөрекі немесе әдепсіз қарым-қатынасқа тап болсаңыз;
- тегін медициналық көмектің кепілдік берілген көлемі аясында көрсетілетін қызметтер үшін медицина қызметкерлері тарапынан ақша талап ету фактілеріне кезіксеңіз;
- сондай-ақ медициналық көмекті көрсету тәртібі мен сапасына байланысты басқа да мәселелер туындаса,
Сіз пациенттерді қолдау және ішкі аудит қызметіне хабарласа аласыз:
Директордың пациенттерді қолдау және ішкі аудит жөніндегі орынбасары
- Уалиева Айнұр Нұргелдиевна Моб.: +7 708 902 60 77
- Мекенжайы: Байзақов көшесі, 299а, 2-қабат, №3 кабинет
Сарапшы дәрігері
- Мұстафаева Фарида Балтабайқызы Моб.: +7 701 347 78 11
- Мекенжайы: Байзақов көшесі, 299а
Модулдің сарапшы дәрігері
- Жұмағұлова Күляйхан Жұмағұлқызы Моб.: +7 706 408 74 57
- Мекенжайы: Ташкент трактісі, 241
Саялы шағынауданының сарапшы дәрігері
- Аяжанова Бекзат Сағымбекқызы Моб.: +7 708 929 71 57
- Мекенжайы: Алматы қаласы, Алатау ауданы, Көкқайнар шағынауданы,
- Әзірбайжан Мамбетов көшесі, 1/63
Пациенттерді қолдау және ішкі аудит қызметінің негізгі мақсаты – «Осында және қазір» қағидаты бойынша пациенттердің өтініштері мен мәселелерін жедел әрі тиімді шешу.
Қосымша хабарласу үшін электрондық пошта мекенжайына жаза аласыз: 📧 info@dgkibuozalmaty.kz
Пациенттерді қолдау және ішкі бақылау қызметі
Пациенттерді қолдау қызметі дегеніміз не?
Пациенттерді қолдау қызметі — «мұнда және қазір» қағидаты бойынша пациенттердің өтініштері мен шағымдарын жедел шешу мақсатында медициналық ұйым деңгейінде құрылған қызмет. Бұл қызмет пациенттердің шағымдарын қарастырып, қажет болған жағдайда олардың бұзылған құқықтарын қалпына келтіруге бағытталған шаралар қабылдайды.
Пациенттерді қолдау қызметі қалай жұмыс істейді?
Пациенттерді қолдау қызметі пациенттердің өтініштері мен шағымдарын қабылдап, медициналық қызметтерді алу барысында туындаған мәселелерді жедел түрде реттейді.
Аталған қызмет медициналық ұйымдағы медициналық көмектің сапасын басқару жүйесін кешенді түрде үйлестіреді. Қызметтің негізгі функциялары: пациенттердің проблемаларын қарастыру және оларды шешу; медициналық персонал мен жабдықтарды пайдаланудың тиімділігін бағалау; медициналық көмек көрсету технологияларының сақталуын бақылау; тегін медициналық көмектің кепілдік берілген көлемін көрсету қағидаларының орындалуын тексеру; медициналық сақтандыру аясында көрсетілетін қызметтердің сапасын бақылау; медициналық көмектегі кемшіліктердің алдын алу және оларды жою бойынша шаралар қабылдау; медициналық персоналды медициналық көмек көрсету сапасын қамтамасыз ету мәселелері бойынша оқыту.
Пациенттің осы қызметке жүгіну себептері:
- дәрігер қабылдау барысында әдепсіздік танытып, өзін кәсіби тұрғыда дұрыс ұстамауы;
- көрсетілген медициналық көмектің сапасына қанағаттанбау;
- қойылған диагноздың немесе тағайындалған емнің дұрыстығына күмән келтіру;
- медициналық құжаттарда дұрыс емес деректердің немесе қате тіркемелердің анықталуы;
- жалпы медициналық персоналдың және медициналық ұйымның қызмет көрсету сапасына наразылық және басқа да себептер.
Шешім-орнында немесе қатаң мерзімде
Көп жағдайда пациенттер дұрыс ақпараттың болмауына немесе көрсетілген медициналық көмектің сапасына қанағаттанбауына байланысты наразылық білдіреді. Азаматтар қайда жүгіну керектігін және қажетті көмекті қалай алу керектігін білмеген кезде жалпы сұрақтар жиі туындайды. Мұндай жағдайларда қызметкер пациентке түсіндірме жұмыстарын жүргізіп, қажет болған жағдайда оны тиісті қызметтерге бағыттап, сүйемелдейді.