Алматы қаласында балалардың инфекциялық аурулары бойынша алғашқы медициналық-санитариялық көмек мамандарына арналған семинар өтті

2026 жылғы 23 қазанда Алматы қаласы Қоғамдық денсаулық сақтау басқармасының ШЖҚ «Балалар қалалық клиникалық инфекциялық ауруханасы» КМК (БҚКЖАА) базасында алғашқы медициналық-санитариялық көмек (МСАК) ұйымдарының мамандарына арналған семинар өтті.

Семинардың спикері — Шин Анна Леонидовна, Алматы қаласының штаттан тыс бас балалар инфекционисі, инфекционист дәрігер, PhD ғылыми дәрежесінің иегері, доцент.

Іс-шараға алғашқы медициналық-санитариялық көмек ұйымдарының мамандары, оның ішінде педиатрлар, балалар инфекционистері және жалпы практика дәрігерлері қатысты.

Семинардың негізгі мақсаты — медицина қызметкерлерінің кәсіби құзыреттілігін арттыру, балалардағы инфекциялық ауруларды ерте анықтау, уақтылы диагностикалау және алғашқы медициналық-санитариялық көмек деңгейінде пациенттерді жүргізу тактикасын жетілдіру.

Семинар барысында балалардағы инфекциялық аурулар кезінде медициналық көмек көрсетудің өзекті мәселелері, сондай-ақ алғашқы медициналық-санитариялық көмек ұйымдары мен мамандандырылған инфекциялық стационар арасындағы өзара іс-қимылдың маңыздылығы талқыланды.

Мұндай оқыту іс-шараларын өткізу балаларға көрсетілетін медициналық көмектің сапасы мен қолжетімділігін арттыруға, медицина мамандары арасындағы кәсіби ынтымақтастықты нығайтуға және Алматы қаласындағы балаларға инфекциялық аурулар бойынша медициналық көмек көрсету жүйесін жетілдіруге ықпал етеді.

БҚКЖАА медицина қызметкерлерінің кәсіби білімін жетілдіру және Алматы қаласының инфекциялық қызметін дамыту бағытындағы жұмыстарды жалғастыруда.