Главная / Жаңалықтар / ҚАЗАҚСТАНДА МЕДИЦИНАЛЫҚ ИНФРАҚҰРЫЛЫМДЫ ЖАҢҒЫРТУДЫҢ ЖАҢА КЕЗЕҢІ БАСТАЛАДЫ

ҚАЗАҚСТАНДА МЕДИЦИНАЛЫҚ ИНФРАҚҰРЫЛЫМДЫ ЖАҢҒЫРТУДЫҢ ЖАҢА КЕЗЕҢІ БАСТАЛАДЫ

Қазақстанның өңірлерінде 70 жаңа денсаулық сақтау нысаны салынады. Бұл туралы Мемлекет басшысы Қасым-Жомарт Тоқаев Қазақстан халқына арнаған Жолдауында мәлімдеді.

*Басты басымдықтардың бірі – ана мен бала денсаулығы.*

Жоспар аясында:

8 перинаталдық орталық;
9 көпбейінді балалар ауруханасы;
3 ұлттық балалар медицинасы орталығы;
25 амбулаториялық-емханалық нысан;
8 көпбейінді аурухана және басқа да мамандандырылған медициналық мекемелер салынады.

*Бұл бастамалардың маңызы қандай?*

Жаңа медициналық нысандар балаларға күрделі әрі мамандандырылған медициналық көмекті елімізде алуға мүмкіндік беріп, шетелде емделуге қажеттілікті азайтуға бағытталған.

Қазақстанда шамамен 7 миллион бала тұрады, ал жыл сайын 330 мыңнан астам сәби дүниеге келеді. Сондықтан ана мен бала денсаулығын қорғау, медициналық көмектің қолжетімділігі мен сапасын арттыру – денсаулық сақтау саласының маңызды бағыттарының бірі.

*Әр баланың денсаулығы – ел болашағы\!*

#ДГКБ #БалаларДенсаулығы #ДенсаулықСақтау #Қазақстан #АнаМенБалаДенсаулығы #МедициналықИнфрақұрылым