Жиі қойылатын сұрақтар (FAQ)

Стационардағы науқастарға баруға бола ма?

Қолданыстағы санитариялық-эпидемиологиялық талаптарға сәйкес науқастарды палаталарда көруге тыйым салынады.

2020 жылғы 11 тамыздағы № ҚР ДСМ–96/2020 «Денсаулық сақтау объектілеріне қойылатын санитариялық-эпидемиологиялық талаптар» бұйрығына сәйкес:

• келушілердің науқастарға палаталарда кіруіне тыйым салынады;
• науқастардың палаталар арасында өз бетінше ауысуына тыйым салынады;
• медициналық персоналдың рұқсатынсыз бөлімшеден шығуға тыйым салынады.

Неліктен туыстарға ауруханаға кіруге рұқсат етілмейді?

Инфекциялық аурулары бар науқастар инфекция (вирустар мен бактериялар) көзі болып табылады және айналасындағыларға жұқтыруы мүмкін.

Медициналық персонал инфекцияның таралуының алдын алу мақсатында санитариялық нормаларды қатаң сақтайды.

Сонымен қатар, науқастардың иммунитеті әлсіреген, сондықтан келушілермен байланыс суперинфекцияға — басқа қоздырғышпен қайта жұқтыруға әкелуі мүмкін.

Науқастың жағдайы туралы қалай білуге болады?

Науқастың жағдайы туралы ақпаратты туыстары келесі жолдармен ала алады:

• емдеуші дәрігерден — жеке кездесу кезінде (жұмыс күндері сағат 13:00-ден 14:00-ге дейін);
• call-орталық арқылы: 8 (727) 394-88-24.

Телефон арқылы ақпарат беру уақыты: сағат 14:00-ден 16:00-ге дейін.

Бөлімшелердің байланыс нөмірлері:

• 1-бөлімше — 8 (727) 394-88-28
• 2-бөлімше — 8 (727) 394-88-29
• 3-бөлімше — 8 (727) 394-88-30
• 4-бөлімше — 8 (727) 394-88-25
• 5-бөлімше — 8 (727) 394-88-28
• 6-бөлімше — 8 (727) 394-88-27
• 7-бөлімше — 8 (727) 394-88-10
• 8-бөлімше — 8 (727) 394-88-12
• 9-бөлімше — 8 (727) 394-88-28
• 10-бөлімше — 8 (727) 394-88-08
• 11-бөлімше — 8 (727) 394-88-11

Жансақтау бөлімі (ОРИТ):
Туыстармен байланыс күн сайын сағат 18:00-ден 20:00-ге дейін
Телефон: 8 (727) 394-88-29

Науқасқа сәлемдемені қалай тапсыруға болады?

Сәлемдемелер КПП-де қабылданады. Қаптамада келесі мәліметтер көрсетілуі тиіс:
науқастың аты-жөні, бөлімше нөмірі, бокс нөмірі.

Қабылдау уақыты:

• 11:00–14:00
• 17:00–20:00

Қандай тағамдарды әкелуге болады?

Тағамдар науқастың диагнозына және дәрігер тағайындаған диетаға сәйкес рұқсат етіледі.

Рұқсат етіледі:

• зауыттық қаптамадағы (бұзылмаған) өнімдер;
• бүтін жемістер мен көкөністер;
• бір реттік ыдыстардағы тағамдар.

Барлық өнімдер мұқият жуылуы тиіс.

Қатаң тыйым салынады:

• газдалған, әлсіз алкогольді және алкогольді сусындар;
• фастфуд (чипсы, сухариктер, пицца, суши, роллдар);
• шемішке;
• ысталған өнімдер мен маринадтар;
• кремі бар кондитерлік өнімдер;
• шоколад кәмпиттері;
• салаттар мен дайын тағамдар;
• шикі және қайнатылған жұмыртқалар;
• кафе мен мейрамханалардан алынған тағамдар.

Стационарда емделу қанша уақытқа созылады?

Емдеу ұзақтығы науқастың жағдайына және сауығу динамикасына байланысты:

• дене қызуының қалыпқа келуі;
• нәжістің қалыпқа келуі;
• интоксикация белгілерінің жойылуы;
• тәбеттің пайда болуы.

Орта есеппен:

• жақсару 5–7 күнде байқалады;
• менингит, зооноздық инфекциялар, гепатиттер және т.б. кезінде емдеу ұзақтығы Қазақстан Республикасы Денсаулық сақтау министрлігінің клиникалық хаттамаларына сәйкес 10–14 күнді құрайды.

Соңғы шешімді емдеуші дәрігер қабылдайды.

Палатадағы басқа науқастардан жұқтыру мүмкін бе?

Жоқ. Науқастар диагнозына қарай орналастырылады:

• әртүрлі инфекциясы бар науқастар бірге орналастырылмайды;
• жаңадан түскендер сауығып келе жатқан науқастармен бірге жатқызылмайды.

Жеке гигиенаны сақтау (қол жуу және т.б.) жұқтыру қаупін азайтады.

Неліктен палатадан шығуға болмайды?

Бөлімшеде әртүрлі инфекциялары бар және аурудың әртүрлі кезеңіндегі науқастар бар.
Дәліздерде жүру қайта жұқтыру қаупін арттырады.

Неліктен жемістер, йогурттар, шырындар ішуге болмайды?

Ішек инфекциялары кезінде жіңішке ішек зақымданып, лактаза жеткіліксіздігі дамуы мүмкін.
Кейбір тағамдар жағдайды нашарлатуы мүмкін, сондықтан дәрігер тағайындаған емдәмді қатаң сақтау қажет.

Госпитализациядан бас тартуға бола ма?

Инфекциялық аурулар кезінде госпитализация тек емдеу үшін ғана емес, инфекцияның таралуының алдын алу үшін де жүргізіледі.

Стационарда қамтамасыз етіледі:

• тәулік бойы медициналық бақылау;
• нақты зертханалық диагностика;
• тиімді ем тағайындау;
• су-электролиттік теңгерімді қалпына келтіру.

Госпитализациядан бас тарту асқынуларға және аурудың таралуына әкелуі мүмкін.

Қазақстан Республикасының 2020 жылғы 7 шілдедегі № 360-VI «Халық денсаулығы және денсаулық сақтау жүйесі туралы» Кодексіне сәйкес:
инфекциялық және паразиттік аурулары бар немесе күдікті адамдар оқшаулауға және (немесе) емдеуге жатады, ал олармен байланыста болған адамдар медициналық бақылауға алынады.