Сыбайлас жемқорлық картограммасы

ҚР ҚК заңы 0312152539

Izobrazhenie-WhatsApp-2025-04-16-v-15.20.05_41ed0cfd

Сыбайлас жемқорлық – бүкіл әлемде өзекті мәселе болып табылады және үлкен қауіп төндіреді.

2015 жылғы 18 шілдедегі «Сыбайлас жемқорлыққа қарсы іс-қимыл туралы» Заңның 1-бабына сәйкес, сыбайлас жемқорлық – жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, оларға теңестірілген тұлғалардың, лауазымды адамдардың өздерінің қызметтік (лауазымдық) өкілеттіктерін және оларға байланысты мүмкіндіктерін жеке өзі немесе делдалдар арқылы өзі үшін немесе үшінші тұлғалар үшін мүліктік (мүліктік емес) игіліктер мен артықшылықтар алу немесе табу мақсатында заңсыз пайдалануы, сондай-ақ осы адамдарды игіліктер мен артықшылықтар беру арқылы параға сатып алу болып табылады.

Сыбайлас жемқорлық қоғам өмірінің барлық салаларына, соның ішінде денсаулық сақтау саласына да әсер етеді. Денсаулық сақтау саласының маңызын асыра бағалау мүмкін емес: ол халық санының табиғи өсімін қамтамасыз етуге, аурушаңдықты төмендетуге, еңбек өнімділігін арттыруға, азаматтардың еңбекке қабілетті кезеңін ұзартуға мүмкіндік береді. Бұл өз кезегінде елдің ұлттық табысының өсуіне және халықтың әл-ауқатының артуына ықпал етеді. Алайда денсаулық сақтау саласының сыбайлас жемқорлыққа ұшырауы осы міндеттердің орындалуына кедергі келтіреді, ал бұл кез келген мемлекеттің әлеуметтік-экономикалық саясаты үшін басым бағыт болып табылады.

Денсаулық сақтау саласындағы сыбайлас жемқорлық – бұл қайталанып отыратын және үнемі дамып отыратын күрделі жағымсыз әлеуметтік-құқықтық құбылыс. Ол мемлекеттік (муниципалдық) және жеке денсаулық сақтау жүйелерінде медицина қызметкерлерінің өз қызметтік жағдайын жеке пайда табу мақсатында заңсыз пайдалануынан, материалдық және материалдық емес игіліктер мен артықшылықтарды заңсыз алудан, сондай-ақ мұндай артықшылықтарды жеке немесе заңды тұлғаларға заңсыз беруден көрінеді. Бұл қоғам мен мемлекеттің денсаулық сақтау саласындағы мүдделеріне елеулі зиян келтіреді немесе келтіруі мүмкін, сондай-ақ азаматтардың денсаулығын қорғау және медициналық көмек алу құқықтарын іске асыру саласындағы қалыпты қоғамдық қатынастарды бұзады.

Егер Сіз біздің ауруханада сыбайлас жемқорлық фактілеріне тап болсаңыз (пациенттер немесе қызметкерлер тарапынан), біздің аурухананың комплаенс-офицері Құлманов Ғалымжанға хабарласуыңызды сұраймыз: тел.: +7 778 999 8175, эл. пошта: compliance_dgkib@mail.ru