Ұйымда тәуекелдер мен инциденттер бойынша оқыту жүргізілуде
Ұйымымызда қауіпсіздік мәдениетін нығайту және жұмыс сапасын арттыру мақсатында тәуекелдер мен инциденттерді басқару бойынша жүйелі оқыту басталды. Бұл – қателіктердің алдын алу мен тұрақты жұмыс процесін қамтамасыз етуге бағытталған маңызды қадам.
Тәуекел дегеніміз не?
Тәуекел – бұл ұйым мақсаттарына кері әсер етуі мүмкін жағымсыз оқиғаның туындау ықтималдығы. Тәуекелдер келесі салаларға қатысты болуы мүмкін:
- қызметкерлер мен пациенттердің (медициналық ұйымдарда) қауіпсіздігі,
- қаржылық шығындар,
- ақпараттық жүйелердің бұзылуы,
- өндірістік немесе операциялық үдерістердің тоқтауы,
- ұйым беделіне нұқсан келуі және т.б.
Тәуекелдерді басқару – бұл тәуекелдерді алдын ала анықтап, бағалап, оларды азайту және бақылау процесі.
Инцидент дегеніміз не?
Инцидент – бұл орын алған және зиянға, қателікке немесе жүйе бұзылуына әкеп соққан (немесе соғуы мүмкін болған) жоғары ықтималды оқиға.
Инциденттер:
- нақты – салдары анық көрініп тұрған;
- потенциалды (дерлік инцидент) – салдары болмағанымен, қауіпті жағдай туындаған.
Мысалдар:
- Маңызды құжатты қате мекенжайға жіберу;
- Медициналық препараттардың шатасып берілуі;
- Құрал-жабдықтың істен шығуы;
- Тәуекелді алдын ала ескермей, жұмыс мерзімінің бұзылуы.
Неліктен инциденттерді талдау маңызды?
- Негізгі себептерді анықтауға көмектеседі;
- Ұқсас жағдайлардың қайталануын болдырмауға мүмкіндік береді;
- Жүйелік кемшіліктерді анықтауға, ал жеке адамды айыптауға жол бермеуге бағытталған;
- Ұйым ішіндегі үдерістерді жақсартады және тұрақтылықты арттырады.
Біз “кінәлі іздемейтін тәсілді” қолданамыз. Бұл ашық әрі сенімді атмосфера қалыптастырады.
Оқыту барысында қызметкерлер:
- тәуекелдерді анықтау мен бағалауды үйренеді;
- инциденттерді тіркеу және сипаттау тәсілдерін меңгереді;
- “Балық қаңқасы”, “5 неге?”, RCA секілді талдау әдістерімен танысады;
- ұйымның нақты тәжірибесінен алынған кейстерді талдайды;
- шешім қабылдау бойынша іскерлік тренингтерге қатысады.
Қазіргі таңда атқарылған істер:
- Әр бөлімде инциденттерді тіркеу және талдау бойынша жауапты қызметкерлер тағайындалды;
- Инциденттер туралы хабарлама үлгілері мен тіркеу формалары енгізілді;
- Инциденттерді талдау сессиялары (кейс-конференциялар) тұрақты өтуде;
- Негізгі бөлімдердің 60%-дан астам қызметкері оқытылды.
Қауіпсіздік мәдениеті – бәрімізге ортақ іс
Біз ұйым ішінде ашық, сенімді орта құруды мақсат етіп отырмыз. Әрбір қызметкер қауіп немесе қателік жайлы еркін хабарлап, өз ұсынысын айтып, жүйені жақсартуға үлес қоса алады.
“Тәуекелдерді басқару – бұл тәуекелдерді алдын ала анықтап, бағалап, оларды азайту және бақылау процесі”,- дейді тәжірибелі аға медбикеміз Сенченко Ирина Владимировна. Ирина Владимировна біліктілігін арттырып қана қоймай, жас буын мамандарды да үйретіп- тәрбиелеуде. Сіздің қажырлы еңбегіңіз міндетті түрде жемісін беретініне сенімдіміз!