БҚКЖАА-ДА 2026 ЖЫЛДЫҢ 9 АЙЫНДАҒЫ ҚЫЗМЕТ ҚОРЫТЫНДЫЛАРЫ ТАЛҚЫЛАНДЫ

Алматы қаласындағы Балалар қалалық клиникалық инфекциялық ауруханасында 2026 жылдың 9 айындағы қызмет қорытындыларына арналған жұмыс кеңесі өтті.

Кеңес барысында аурухана директоры Ержан Булатбекұлы Сералин есепті кезеңдегі негізгі көрсеткіштерді таныстырып, өзекті мәселелер мен алдағы даму бағыттарына тоқталды.

Күн тәртібінде негізгі үш бағыт қаралды:

Симуляциялық орталықтың қызметі — медицина қызметкерлерінің практикалық дағдыларын жетілдіру және медициналық көмектің сапасын арттыру.

Баяндамашы: Әлия Ғауазқызы Кенембаева, реанимация бөлімшесінің меңгерушісі.

Балалар инфекциялық аурулары бойынша құзыреттілік орталығының жұмысы — мамандандырылған консультациялық көмекті дамыту және инфекциялық қызметті жетілдіру.

Баяндамашы: Фариза Анварбекқызы Айтбаева.

Ауруханаішілік фармация бөлімдерінің қызметі — дәрілік заттармен қамтамасыз ету және фармацевтикалық қызметті ұйымдастыру.

Баяндамашы: Динара Төрегелдіқызы Мухитова, ауруханаішілік фармация бөлімдерінің меңгерушісі.

Кеңес қорытындысы бойынша алдағы кезеңнің басым міндеттері айқындалып, медициналық көмектің сапасы мен қолжетімділігін арттыруға бағытталған тиісті шаралар талқыланды.

Біздің басты мақсатымыз — балалардың денсаулығын қорғау және әр балаға сапалы, қауіпсіз әрі қолжетімді медициналық көмек көрсету!

#БҚКЖАА #ДГКИБ #Алматы #БалаларДенсаулығы #Медицина #ИнфекциялықҚызмет #СимуляциялықОрталық #ҚұзыреттілікОрталығы