Құрметті ата -аналар!
Энтеровирустық жұқпа туралы естеріңізге сала кетуді жөн көріп отырмыз – бұл вирустар тобы (энтеровирустар) арқылы таралатын жұқпалы аурулар. Бұл вирустар ас қорыту жолдары арқылы ағзаға енеді, бірақ тек ішектің өзімен шектелмей, жүйке жүйесін, жүрек бұлшықетін және теріні де зақымдауы мүмкін.
Жұғу жолдары:
- лас қол, жуылмаған көкөністер мен жемістер арқылы;
- тұрмыстық байланыс кезінде (ойыншық, ыдыс-аяқ);
- су арқылы (әсіресе бассейн, ашық су көздері);
- ауа-тамшы арқылы.
Белгілері:
- дене қызуының көтерілуі,
- тамақтың ауыруы,
- іш өту, жүрек айну, құсу,
- бөртпе шығуы,
- бұлшықет ауруы, әлсіздік.
Алдын алу шаралары:
- қолды жиі сабындап жуу,
- тек қайнатылған немесе бөтелкедегі су ішу,
- жемістер мен көкөністерді мұқият жуу,
- балалардың тазалық сақтауын қадағалау,
- қоғамдық бассейндерде сақ болу.
Маңыздысы: Симптомдар байқалса, өзін-өзі емдемей, міндетті түрде дәрігерге жүгініңіз! Балалар мен иммунитеті әлсіз адамдарда асқыну қаупі жоғары.
